Медиа және коммуникация саласының өкілдеріне арналған курс бағдарламасы 3 бөлімнен тұрады, әр бөлім 3 дәрісті қамтиды. Әр дәріс бөлек тақырыпты қарастыратын 15-20 минуттық видеоконтенттен тұрады. Бір бөлімді аяқтап, екіншісіне өту мақсатында бөлім бойынша алған білімді пысықтау үшін 20 жабық сұрақтан тұратын онлайн тестілеуден өту керек. Ал 3 бөлімнен кейін толық курс бойынша меңгерілген білімді бағалауға арналған 50 сұрақтан тұратын қорытынды тестілеуден өту шарт.
Бірінші бөлім баспасөз қызметінің жұмысы туралы. Ол жұмыстың стандарттары мен алгоритіміне, түрлері мен бағыттарына, сондай-ақ, баспасөз қызметі мамандарының функционалына, баспасөз қызметінің құрылымы мен жұмысын жоспарлау мен ұйымдастыру және баспасөз қызметіндегі кадрлық басқаруға арналады.
Екінші бөлім баспасөз қызметінің тиімді жұмысын ұйымдастырудың құралдары мен механизмдеріне арналған. Іс-шараларды ұйымдастыру, БАҚ-пен жұмыс және баспасөз қызметі мамандары дайындайтын ақпараттық материалдарды жасау мәселелері, бұқаралық коммуникация мен іс-шаралар түрлері, олардың бір-бірінен айырмашылығы мен ұқсастықтары, іс-шараларды ұйымдастырудағы негізгі талаптар, ақпараттық материалдарды ұсыну түрлері мен әдістері, контент сапасы тақырыптарына арналады.
Курстың үшінші бөлімі мемлекеттік органдардың медиа кеңістіктегі имиджі мен беделі туралы болады. Ол мемлекеттік органның имиджі мен беделін қалыптастыру мен басқаруға, сыни материалдармен жұмыс істеуге, имидждік іс-шаралар мен коммуникация орнатудың түрлеріне арналады.
Пайдаланылған фотосуреттер мен бейне материалдардың барлық құқықтары олардың иелеріне тиесілі және желідегі ашық көздерден алынған.