1. ЖАЛПЫ ЕРЕЖЕЛЕР
1.1. Осы Пайдаланушы келісімі (бұдан әрі – Келісім) Портал Әкімшісі мен «Электрондық еңбек биржасы» ақпараттық порталында тіркелген жеке тұлға (бұдан әрі - Пайдаланушы) арасындағы қысқа мерзімді оқыту Порталын онлайн режимде пайдалану жөніндегі қатынастарды реттейді.
1.2. Осы Келісімде мынадай ұғымдар пайдаланылады:
1) Онлайн режимде қысқа мерзімді оқыту Порталы (https://skills.enbek.kz/) (бұдан әрі - Портал) - еңбек нарығында талап етілетін дағдыларға онлайн режимде қысқа мерзімді оқыту функцияларын қамтитын «Электрондық еңбек биржасы» ақпараттық порталының қосалқы жүйесі және (немесе) құрамдас бөлігі.
2) Пайдаланушы - осы Келісімнің шарттарын қабылдаған кез келген жеке тұлға.
3) Портал Әкімшісі (бұдан әрі – Әкімші) – «Электрондық еңбек биржасы» ақпараттық порталын сүйемелдеуді және оған жүйелік-техникалық қызмет көрсетуді жүзеге асыратын «Еңбек ресурстарын дамыту орталығы» Акционерлік қоғамы.
4) Автор - онлайн курстарды құрушы ретінде әрекет ететін кәсіпкерлік қызметті жүзеге асыратын жеке тұлға және (немесе) заңды тұлға.
2. КЕЛІСІМНІҢ МӘНІ
2.1. Осы Келісім Порталда онлайн режимде қысқа мерзімді оқыту (бұдан әрі – оқыту) қызметтерін көрсету бойынша өзара қарым-қатынастарды реттеу үшін Әкімші мен Пайдаланушы арасында жасалды.
2.2. Әкімші Келісімді Пайдаланушының келісімінсіз біржақты тәртіппен өзгерте алады. Бұл ретте, Әкімші Портал бетінде хабарлама жіберу арқылы Пайдаланушыға Келісімге енгізілген өзгерістер және/немесе толықтырулар туралы хабарлауы тиіс.
3. ПАЙДАЛАНУШЫНЫҢ ҚҰҚЫҚТАРЫ МЕН МІНДЕТТЕРІ
3.1. Пайдаланушының құқықтары:
3.1.1. қысқа мерзімді оқыту қызметтерін алу үшін Порталды пайдалану;
3.1.2. Порталды пайдалану саласында Әкімшіден консультациялық және практикалық көмек алу;
3.1.3. Порталдағы «Менің диалогтарым» қойындысы арқылы оқу материалдарының мазмұны мен практикалық тапсырмаларды орындау бойынша курс Авторынан консультациялық және практикалық көмек алу;
3.1.4. оқу аяқталғаннан кейін курстан өткені туралы сертификат алу үшін қорытынды тестілеуден өту, бұл ретте:
1) сертификат алу үшін шекті мән дұрыс жауаптардың 70% - ынан төмен болмауы тиіс;
2) шекті мәнді жинамаған пайдаланушы қорытынды тестілеуге аптасына 1 (бір) реттен аспайтын кезеңділікпен 3 (үш) ретке дейін жіберіледі;
3.1.5. оқу аяқталғаннан кейін ұсынылған оқу материалдары үшін курс Авторына пікір қалдыру.
3.2. Пайдаланушының міндеттері:
3.2.1. Әкімшіге Порталда тіркелу нысанында ұсынылатын тармақтар бойынша нақты және толық ақпарат беру;
3.2.2. өзін басқа жеке тұлға ретінде көрсетпеу;
3.2.3. құпия сөзді құпия сақтау;
3.2.4. қандай да бір қолданыстағы мемлекеттік немесе халықаралық заңдарды қасақана немесе кездейсоқ бұзбау;
3.2.5. Порталда төмендегілерді орналастырмау:
1) Пайдаланушы заң бойынша немесе қандай да бір шарттық қатынастарға сәйкес жария етуге құқығы жоқ ақпарат;
2) қолданыстағы заңнаманы, үшінші тұлғалардың ар-намысы мен қадір-қасиетін, құқықтары мен заңмен қорғалатын мүдделерін бұзатын ақпарат;
3) авторлық және/немесе ұқсас меншік құқықтарын бұзатын ақпарат;
4) қорлайтын мазмұндағы, сондай-ақ адамдарды қандай да бір белгісі бойынша кемсітуді, зорлық-зомбылықты, жеккөрушілікті насихаттайтын ақпарат;
5) вирустары немесе басқа да зиянды бағдарламалық жасақтамасы бар ақпарат және/немесе материалдарға сілтемелер.
4. ӘКІМШІНІҢ ҚҰҚЫҚТАРЫ МЕН МІНДЕТТЕРІ
4.1. Әкімшінің құқықтары:
4.1.1. Пайдаланушы осы Келісімнің шарттарын бұзған жағдайда Пайдаланушыға тіркеуден бас тарту, Пайдаланушының есептік жазбасын жою немесе бұғаттау;
4.1.2. Қазақстан Республикасының заңнамасында белгіленген тәртіппен Пайдаланушыдан қажетті ақпаратты сұрату және алу;
4.1.3. Пайдаланушы Порталда ұсынған есептік деректердің, материалдар мен ақпараттың дұрыстығын тексеру.
4.2. Әкімшінің міндеттері:
4.2.1. Порталдың жұмыс істеуін және техникалық сүйемелдеуді қамтамасыз ету;
4.2.2. Порталды пайдалану бойынша Пайдаланушыға консультациялық және практикалық көмек көрсету.
5. КЕЛІСІМНІҢ КҮШІНЕ ЕНУІ
5.1. Келісім Пайдаланушы Порталда тіркелгеннен кейін күшіне енеді.
5.2. Тіркеу Пайдаланушыны тіркеу нысанын толтыру, Пайдаланушы осы Келісімнің барлық шарттарымен келісім білдіру және тіркеу нысанының деректерін Порталға жіберу арқылы орындалады.
6. ЖАУАПКЕРШІЛІК
6.1. Порталға кез келген ақпаратты, мәліметтер мен материалдарды орналастыру кезінде Пайдаланушы өзі орналастыратын материалдардың, мәліметтер мен деректердің мазмұнына, Қазақстан Республикасының заңнамасына сәйкес оларды орналастыру мен пайдаланудың заңдылығына дербес жауапты болады.
6.2. Пайдаланушы өз құпиясөзінің қауіпсіз сақталуы үшін, сондай-ақ оның жария етілуі кезінде орын алуы мүмкін салдарлар үшін дербес жауапты болады.
6.3. Пайдаланушы Порталда міндетті түрде орналастыруға жататын материалдардың, ақпараттың, мәліметтердің, есептіліктердің Порталда уақтылы орналастырылуына дербес жауапты болады.
6.4. Әкімші Пайдаланушы Порталда орналастыратын ақпараттың, мәліметтердің, материалдардың мазмұны, олардың Қазақстан Республикасы заңнамасының талаптарына сәйкестігі үшін, Пайдаланушының Порталда орналастырылған ақпаратты, мәліметтер мен материалдарды пайдалану жөніндегі заңсыз әрекеттері үшін, Пайдаланушының авторлық құқықтарды және үшінші тұлғалардың кез келген басқа құқықтарын бұзғаны үшін жауапты болмайды.
6.5. Әкімші Әкімшіге тәуелсіз себептер бойынша немесе Порталға қызмет көрсету бойынша жоспарлы немесе жоспардан тыс іс-шаралар жүргізілген жағдайда туындаған Портал жұмысындағы техникалық уақытша іркілістер мен үзілістер үшін жауапты болмайды.
6.6. Әкімші уақытша іркілістер мен еңсерілмейтін күш мән-жайлары, оның ішінде электр желілерінің, Интернет желісінің жұмысындағы іркілістер және Әкімшіден тәуелсіз туындаған және осы Келісімнің шарттарын орындауға кедергі келтіретін басқа да мән-жайлар үшін жауапты болмайды.
6.7. Әкімші басқа пайдаланушылардың және Порталдың кез келген басқа қатысушыларының әрекеттері үшін Пайдаланушының алдында жауапты болмайды.
6.8. Әкімші жоғалған пайданы, пайдаланудан келтірілген залалды, деректердің жоғалуын немесе қандай да бір басқа материалдық емес ысыраптарды, бедел залалын және осының салдарынан туындайтын өзге де залалды қоса алғанда, кез келген тікелей, жанама залал үшін жауапты болмайды:
6.8.1. Порталды пайдалану немесе пайдалану мүмкін еместігі;
6.8.2. Келісім шарттарының өзгеруі;
6.8.3. Пайдаланушының деректеріне рұқсатсыз қол жеткізу немесе Пайдаланушы жіберетін немесе серверде сақталатын деректерді өзгерту;
6.8.4. Порталда көрсетілетін қызметтерге қатысы бар кез келген басқа жағдай.
7. БАСҚА ШАРТТАР
7.1. Пайдаланушы Әкімшінің мемлекеттік және/немесе мемлекеттік емес ақпараттық жүйелерде (деректер қорында) қамтылған өзі туралы қосымша мәліметтерді алуына және жариялауына қарсылық білдірмейді.
7.2. Портал жұмысына қатысты барлық шағымдар, сұраулар, сұрақтар, кез келген өзге хат-хабарлар Порталдың басты бетінде көрсетілген электрондық пошта мекенжайына жіберілуі тиіс.
7.3. Осы Келісім шеңберіндегі Әкімші мен Пайдаланушының қатынастары Қазақстан Республикасының заңнамасымен реттеледі.
7.4. Пайдаланушы немесе басқа пайдаланушылар Келісім ережелерін бұзған жағдайда Әкімшінің әрекетсіздігі оларды кейінірек өз мүдделерін қорғау үшін тиісті әрекеттерді жасау құқығынан айырмайды.
7.5. Пайдаланушының материалдарды орналастыруына және/немесе пайдалануына байланысты үшінші тұлғалардан шағымдар түскен жағдайда, Пайдаланушы көрсетілген шағымдарды өз бетінше және өз есебінен реттейді.
