Курстың мақсаты – ауру мен жеке қажеттіліктерді ескере отырып, көмекке мұқтаж мүгедектердігі бар адамдардың қажеттіліктеріне бейімделген білім мен дағдыларды алу.
Жеке көмекші – қозғалуы қиын бірінші топтағы мүгедектердігі бар адамды алып жүру және объектілерге барған кезде көмек көрсету қызметін көрсететін адам.
Жеке көмекші жауапты, сенімді, мейірімді болуы керек, оған қосы сапалы және уақытылы көмек көрсете алуы керек, әсіресе дағдарыстық жағдайларда. Жеке көмекшінің негізгі құзыреттері қызмет алушымен және оның отбасы мүшелерімен байланыс және қарым-қатынас орнату, мұқтаждықты бағалау және көмек көрсетуді жоспарлау, әртүрлі нысандарда қолдау қызметтерін көрсету болып табылады.
Бұл курста үш модуль бар. Бірінші модуль кәсіби этика және тиімді қарым-қатынас мәселелерін қарастырады. Сіз бірінші топтағы мүгедектерге жеке көмекші қызметтерін көрсету ережелерімен, сүйемелдеудің этикалық принциптерімен, қарым-қатынастың мәдени және жас ерекшеліктерімен, тиімді қарым-қатынас әдістерімен танысасыз.
Тәжірибелік-бағдарланған курс аясында сіз ұтқырлықта қиындықтары бар адамға көмек көрсету әдістерімен және тәсілдерімен танысасыз. Екінші модульде алғашқы көмек көрсету дағдыларын қалыптастыруға ерекше назар аударылады.
Үшінші модульде тиімді өзара әрекеттесу ережелері мен ұтқырлығында қиындықтары бар адамдарды алып жүру ерекшеліктері жан-жақты қарастырылады.
Оқыту курсы дәріс материалын оқып-үйренуді, бейне роликтерді көруді, практикалық тапсырмаларды орындауды және қорытынды сынақты тапсыруды қамтиды.
