Курстың мақсаты – ауру мен жеке қажеттіліктерді ескере отырып, көмекке мұқтаж мүгедектігі бар адамдардың қажеттіліктеріне бейімделген білім мен дағдыларды алу.
Жеке көмекші – қозғалуы қиын бірінші топтағы мүгедектігі бар адамдарды алып жүру және объектілерге барған кезде көмек көрсету қызметін көрсететін адам.
Жеке көмекші жауапты, сенімді, мейірімді болуы керек, оған қосы сапалы және уақтылы көмек көрсете алуы керек, әсіресе дағдарыстық жағдайларда. Жеке көмекшінің негізгі құзыреттері қызмет алушымен және оның отбасы мүшелерімен байланыс және қарым-қатынас орнату, мұқтаждықты бағалау және көмек көрсетуді жоспарлау, әртүрлі нысандарда қолдау қызметтерін көрсету болып табылады.
Бұл курста үш модуль бар. Бірінші модуль кәсіби этика және тиімді қарым-қатынас мәселелерін қарастырады. Сіз бірінші топтағы мүгедектігі бар адамдарға жеке көмекші қызметтерін көрсету ережелерімен, сүйемелдеудің этикалық принциптерімен, қарым-қатынастың мәдени және жас ерекшеліктерімен, тиімді қарым-қатынас әдістерімен танысасыз.
Тәжірибелік-бағдарлы курс аясында сіз көру қабілеті бұзылған адамға көмек көрсету әдістерімен және тәсілдерімен танысасыз. Екінші модульде алғашқы көмек көрсету дағдыларын қалыптастыруға ерекше назар аударылады.
Үшінші модульде зағип адамның көшеде, қоғамдық көлікте, банктерде, супермаркеттерде, дәмханалар мен өзіне-өзі қызмет көрсету асханаларында тиімді өзара әрекеттесу мен алып жүрудегі ережелері жан-жақты қарастырылған.
Оқыту курсы дәріс материалын оқып-үйренуді, бейне роликтерді көруді, практикалық тапсырмаларды орындауды және қорытынды сынақты тапсыруды қамтиды.