IT маманы ретінде жұмыс бастағыңыз келсе, бұл курс Сізге арналған. Осы курс арқылы Android бағытының негізгі ерекшеліктерімен таныса аласыз. Оған қоса, IT маманы болу үшін жасалатын қысқа және ұзақ мерзімді жоспарлар талқыланады. Әлемдегі ең танымал мобильді платформа Android операциялық жүйесінде жұмыс істейтін смартфондар, планшеттер, электрондық кітаптар, ойын консолдері және басқа құрылғылар үшін мобильді қосымшалар мен бағдарламалар әзірлеуді үйренгіңіз келсе, осы курсты оқуыңызға болады. Сонымен қатар, Android смартфондары мобильді құрылғылар нарығының 80%-ын құрағандықтан, бұл саладағы мамандарға сұраныс үнемі жоғары. Android бағытын меңгеруіңіздің тағы бір үлкен артықшылығы - барлық жобалар үшін бір технологиялық стектің болуы. Сондықтан, жаңадан бастау үшін Сізге ресми әзірлеу ортасын және ең аз құралдарды меңгеруіңіз керек. Android жүйесінің кодын үйренуіңіз үшін Сіз кез келген операциялық жүйені macOS, Linux немесе Windows қолдана аласыз.
Курста берілген модульдерде Сіз андроид қолданбалары үшін XML белгілеуін және UI әзірлеу жолын, аудио, бейне және суреттермен жұмыс істеуді үйренесіз. Оған қоса, DrawerNavigation, Splash Screen және тағы басқа материалдық дизайн элементтерін игересіз. Курста әр түрлі деректерді әртүрлі тәсілдермен сақтауды, материалдық дизайн, Glide кітапханаларын пайдалана аласыз. Курс аяқталғанда қолданбаңызды Google Play-де жариялап, жарнамадан немесе ақылы мүмкіндіктерден ақша таба аласыз.